18
Apr 16

[童言] 小希の「生仔先定結婚先?!」(4y3m)

2016年4月7日 (四) 陰天

2016-04-07 22.54.18 copy

晚飯的時候,小希問了我一個好奇怪的問題….

小希:「媽咪,係咪生仔先,定結婚先?」

我:「嗯… 最好當然係結婚先再生仔喇!」

小希:「喔!原來我搞錯左,要結左婚才可以生仔…」

雖然現今社會未婚產子是很平常的事,但我都不希望出現在我的子女身上
這方面我還是比較保守,希望孩子都是拍拖結婚才生孩子的
總不想孩子無名無份地替人家生孩子,再帶著孩子辨婚禮

小希想了一會兒又開始發問她的奇怪問題…

小希:「媽咪,我大個想同爸爸結婚,得唔得呀?」

我:「唔得呀,果個係你爸爸,已經同你媽咪結左婚,唔可以同你結婚!」

小希:「哦,咁我大個同細佬結婚,好唔好呀?」

我:「細佬都唔可以,佢係你細佬,我們一家人來,唔可以結婚架!」

小希:「咿~~~~
    咁我可以同邊個結婚喎!」(她在抗議似的)

我:「你可以和你的好朋友和同學結婚嘛~」

小希:「咁我大個同思貝結婚,好唔好?」

我:「唔…..無話好唔好的…
但思貝係女仔,如果你要生仔就要同男仔結婚!」

不好意思,我不是要歧視同性戀,只是真的不太希望自己的孩子是同性戀者
如果天意如此,我就只可以無奈地接受,但最好還是不要吧!!!!

小希:「咁我大個同鎵碖結婚,好唔好?」

我:「好,等你大個再決定喇~!」

小希:「哦!我大個都要照結婚相,好似爸爸媽咪咁~」(她指著我們的結婚相)

我:「好呀!」

小希:「我都要去台灣影結婚相,好唔好?」

我:「好呀!」

想不到她的記性不錯,還記得我提過我們是去台灣影結婚相
其實我好少和她提起張相在哪裡影,到底我有沒有說過也忘記了…

小希:「我想同媽咪影得一模一樣的,我真係覺得這張相好靚呀!」

我:「係呀,多謝你呀!」

小希:「媽咪,你到時會唔會同我一齊去架?」

我:「都可以,你邀請我,我咪同你地一齊去囉,只怕你到時會覺得媽咪阻住你地啫!」

小希:「唔會,我好想媽咪同我一齊去架!」

我:「好,到時再算,宜家快尐食飯…!」

才4歲,已經想著大個要結婚生仔,會不會早了很多呢?!
這個話題,真的很奇怪….!!!

18/04/2016

Related Posts Plugin for WordPress, Blogger...
Share
550 Reads
keywords: , , , , ,

2 Responses to “[童言] 小希の「生仔先定結婚先?!」(4y3m)”

  1. 悟樂 says:

    講明先~ 咪咁快呀~ 我儲唔切錢的~ ^_^

Leave a Reply