希樹部屋

2016年1月24日 (日)　雨天

說話小希經新聞知道自己明天不用上課，非常高興….

晚上枕邊話（pillow talk）時間….

小希：「媽咪，你聽日使唔使返工呀？」

我：「要呀，聽日星期一嘛！」

小希：「但我唔使返學喎！」

我：「係呀，你聽日放假，但媽咪無假放…」
（無陰公，學生放假，家長又無假放，你估個個都有人湊小朋友咩）

小希：「媽咪，你聽日都放假喇！」

我：「我都想，但唔可以架！」
（如果我都可以一齊放假就好喇…）

小希：「咁凍，做乜要返工喎！」

我：「係囉，咁凍，我都唔想起身返工，唉！」

小希：「你唔好返工喇，我真係好唔想你返工架！」

我：「我知，我都唔想返工，但唔返工就無錢架喇！」

小希：「但我真係好唔想你返工喎！」

我：「都無辨法，唔返工會唔夠錢嘛！」

小希：「我真係真係真係唔要你返工喎！」

我：「如果媽咪唔返工就無錢俾你學跳舞，又無得去旅行架喇…！」

小希：「吓，唔得架喎！」

我：「係囉，所以媽咪要返工囉！」

小希扁扁咀，扮出想喊的樣子

我就繼續說：「不如咁喇，我地以為都唔好去旅行，咁媽咪就唔返工喇，好唔好呀？」

小希：「唔得架，我好想搭飛機去旅行呀！你都係去返工喇！」
（這個女兒實在…….）

我：「好喇，咁你快尐訓喇，媽咪明天要一早起身返工呀～」

小希：「你要快尐返來呀，我會好掛住你架！」

我：「好，知道喇，我一收工就返來喇～」

小希：「嗯！」

如果可以的話，我都不想上班，在家當全職媽媽多好
可以天天看著他們成長，一天一天的進步
每天可以煮不同款式的蔬菜給她們吃，等她們更全面的營養
又可以多點時間和她們去散步、去公園玩…

好懷念當全職媽媽的18個月的日子….

31/1/2016