2015年1月7日 (三) 晴天
這兩日老公當夜更，和細佬在家一齊睡覺
真好，我就可以一個人輕輕鬆鬆接小希放學
放學後，我們去附近的公園玩了一會
回程的時候…
小希：「媽咪，我塊臉好痕呀!」
我：「係喎，你俾蚊蚊錫左一啖喎!」
小希：「我唔鍾意蚊蚊呀!」
我：「吓，但尐蚊蚊好鍾意你喎!」
小希：「點解呀?」
我：「媽咪鍾意你就錫你，尐蚊蚊鍾意你咪一樣錫你囉!」
小希 (忟憎中)：「但我唔鍾意蚊蚊呀!」
我：「係呀，尐蚊蚊聽到一定會好傷心喇…!」
小希：「尐蚊蚊會喊呀?」
我：「可能會架，因為佢地知你唔鍾意佢地嘛!」
小希：「咁我鍾意佢少少喇!」
我：「咁蚊蚊聽到一定好開心，一陣又來錫你喇!」
小希：「唔要呀！我唔鍾意蚊蚊呀!!」
其實真的很奇怪，明明已經是冬天
為什麼還有蚊子呢?!
蚊子不是夏天出沒的嗎?!
小希是熱血孩子，所以很易招惹蚊子
不過很奇怪，蚊子特別喜歡咬她的臉兒
害她的臉兒常常紅腫了，拍照多麼好笑又醜怪
想不到我無聊地作弄她說蚊子會不開心時
她會說喜歡蚊子，雖然很快她又轉軚說不喜歡
看來她也有點愛心，哈哈!
順帶一下，基本上所有昆蟲，不論會飛與否
她都叫它們做「蚊蚊」，明明已經教過了很多次不同昆蟲的名字了…
2015/02/06
2015 Reads
keywords: Brielle, 小希金句, 蚊子
用點蚊油吧！