2014年5月9日 (五) 雨天
細佬出世前，我們沒有準備太多的衣服
一來不知道他的尺寸，怕買得太大或太細
二來怕親友都是送衣服，買得太多，穿不切就不合身
結果，親友是有送衣服，但卻是送6M~12M的，還要一段時間才合身
現在他差不多3個月大，但穿起 0~3M 已經開始緊身了
這晚我在網上看衣服，看看有什麼好款式買給他
小希卻遲遲不願睡，扭著要我陪她說故事和睡覺
小希：媽咪，眼訓呀!
我：哦，眼訓就自己上床訓喇，媽咪做緊野呀~
小希 (拉著我的衣尾)：唔得呀! 媽咪唔好做野呀!
我：你上床等媽咪，媽咪好快就過來喇!
小希：唔好呀，我要聽故事呀!
我：媽咪買緊衫呀，你等一等，媽咪買靚衫俾你同細佬呀~
小希：唔要呀，希希好多靚衫呀!
我：但細佬尐衫就快唔啱著喇…
小希：啱呀!
我：….. (無言)
小希：媽咪唔好買衫喇，同我訓覺呀!
我：好喇，等我熄埋電腦先喇
結果，我們一齊上床，故事講完，她仍然不肯睡覺
自己一個人在床上又唱歌又跳舞，見我睡著了又要拍醒我
最後給我教訓了一頓才喊著睡覺…唉…!!!
我發覺自細佬出世後，小希不但比之前更加痴身
而且不願吃、不願睡，總是要等我去睡覺才肯去睡覺
有時更會捱眼訓等到零晨1、2時，看著她深深的眼圈又心痛又無奈
更無奈是，細佬早上6時多要飲奶，有時她也跟著起床…
看來要等細佬大一點，晚上可以睡多一點，小希才可以好好睡覺
11/5/2014
2312 Reads
keywords: Brandon, Brielle, Next, 小希金句
咁快識得爭~~~~
爭左好耐喇…唉!
好事來的
點解係好事?